Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 12r

Yr ail gainc

12r

45

ẏ gỽr a|lader hediỽ ẏt. ẏ uỽrỽ ẏn|
peir ac erbẏn auorẏ ẏ uot ẏn gẏs  ̷ ̷+
tal ac ẏ bu oreu eithẏr na|bẏd llẏ  ̷+
uerẏd ganthaỽ. a|diolỽch a|ỽnaeth
ẏnteu hynnẏ a|diruaỽr lẏenẏd
a|gẏmerth ẏnteu o|r achaỽs hỽnnỽ.
a thrannoeth ẏ|talỽẏt ẏ|ueirẏch
idaỽ tra barhaỽd meirẏch dof.
ac odẏna ẏ kẏrchỽẏt ac ef kẏm  ̷+
ỽt arall ac ẏ talỽẏt ebolẏon ẏdaỽ
ẏnẏ uu gỽbẏl idaỽ ẏ|dal ac ỽrth
hẏnnẏ ẏ dodet ar ẏ kẏmỽt hỽnnỽ
o hẏnnẏ allan tal ebolẏon. a|r eil
nos eisted ẏgẏt a|ỽnaethant. arg  ̷ ̷+
lỽẏd heb·ẏ matholỽch pan doeth
ẏti ẏ peir a rodeist ẏ mi. E|doeth
im heb ef ẏ|gan ỽr a uu ẏ|th ỽlat
ti. ac ni ỽn na bo ẏno ẏ caffo. Pỽẏ
oed hỽnnỽ heb ef. llassar llaes gẏ+
fneỽit heb ef. a hỽnnỽ a|doeth ẏma
o iỽerdon a chẏmidei kẏmeinuoll
ẏ ỽreic ẏ·gẏt ac ef ac a|dianghẏss  ̷ ̷+
ant o|r tẏ haẏarn ẏn iỽerdon pan
ỽnaethpỽẏt ẏn ỽenn ẏn eu kẏlch.
ac ẏ dianghẏssant odẏno. ac eres
gẏnhẏf|i onẏ ỽdost|i dim ẏ ỽrth
hẏnnẏ. Gỽn arglỽẏd heb ef. a ch  ̷+
ẏmeint ac a ỽnn mi a|e managaf
ẏti. Yn hela ẏd oedỽn ẏn iỽerdon
dẏdgueith ar benn gorsed uch i
penn llẏn oed ẏn iỽerdon. a|llẏn
ẏ peir ẏ gelỽit. a|mi a|ỽelỽn gỽr
melẏngoch maỽr ẏn dẏuot o|r llẏn
a|pheir ar ẏ geuẏn. a gỽr heuẏt
athrugar maỽr a|drẏgỽeith anorles
arnaỽ oed. a gỽreic ẏn|ẏ ol. ac ot

46

oed uaỽr ef mỽy dỽẏỽeith oed 
ỽreic noc ef. a|chyrchu ataf a|ỽna+
ethant a|chẏuarch uell im. Je heb  ̷+
ẏ mi pa gerdet ẏssẏd arnaỽch chỽi.
llẏna gerdet ẏssẏd arnam ni argl  ̷+
ỽẏd heb ef. ẏ|ỽreic honn heb ef ẏm+
penn petheỽnos a|mis ẏ bẏd bei  ̷+
chogi idi. a|r mab a|aner ẏna o|r
torllỽẏth hỽnnỽ ar benn ẏ pethe+
ỽnos a|r mi* ẏ bẏd gỽr ẏmlad lla+
ỽn aruaỽc. ẏ kẏmereis inheu
ỽẏntỽẏ arnaf ẏn|gossẏmdeithaỽ.
ẏ buant ulỽẏdẏn gẏt a mi. ẏn|
ulỽẏdẏn ẏ keueis ẏn diỽarauun
ỽẏnt. o hẏnnẏ allann ẏ guarau+
unỽẏt im. a chẏn penn ẏ pedỽẏ  ̷+
rẏd ỽẏnt eu hun ẏn peri eu hat+
cassu ac anghẏnỽẏs ẏn|ẏ ỽlat
ẏn gỽneuthur sarahedeu. ac ẏn
eighaỽ ac ẏn gouudẏaỽ guẏrda
a|gỽragedda. O hẏnnẏ allan ẏ|dẏ+
gẏuores uẏg|kẏuoeth am ẏm·pen
ẏ erchi im ẏmuadeu ac ỽẏnt. a
rodi deỽis im ae uẏg|kẏuoeth
ae ỽẏnt. E dodes inheu ar gẏng+
hor uẏ|gỽlat beth a|ỽneit amda+
nunt. nẏd eẏnt ỽẏ o||bod nit oed
reit udunt ỽẏnteu oc eu hanuod
herỽẏd ẏmlad uẏnet. ac ẏna ẏ+
n|ẏ kẏuẏng gẏnghor ẏ|causant
gỽneuthur ẏstauell haearn oll
a gỽedẏ bot ẏ* baraỽt ẏr ẏstauell.
dẏuẏn a oed o of ẏn iỽerdon ẏno
o|r a|oed o|perchen geuel a|mỽrthỽl
a pheri gossot kẏuuch a|chrib ẏr
ẏstauell o lo a pheri guassanaethu