Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 11v

Yr ail gainc

11v

43

gỽaradỽẏd a|ỽnelit ẏm. Dioer
arglỽẏd nẏt o|uod ẏ neb a uedei
ẏ llẏs heb ỽẏnt na neb o|e kẏng  ̷+
hor ẏ|gỽnaetpỽẏt ẏ gỽaradỽẏd
hỽnnỽ ẏt. a chyt bo gỽaradỽẏd
gennẏt ti hẏnnẏ. mỽẏ ẏỽ gan
uendigeituran no chenẏt ti ẏ
tremic hỽnnỽ a|r guare. Je heb
ef mi a tebẏgaf. ac eissoes ni eill
ef uẏ niỽaradỽẏdaỽ i o hẏnnẏ.
E gỽẏr hẏnnẏ a ẏmchỽelỽẏs a|r
atteb hỽnnỽ parth a|r lle ẏd oed
uendigeituran. a menegi idaỽ
ẏr atteb a|diỽedẏssei uatholỽch.
Je heb ẏnteu nẏt oes ẏmỽaret
e uẏnet ef ẏn anẏgneuedus
ac nẏ|s gadỽn. Je arglỽẏd heb
ỽẏ anuon etỽa genhadeu ẏn|
ol. anuonaf heb ef. Kẏuodỽch
uanaỽẏdan uab llẏr. ac eueẏd
hir. ac unic gleỽ ẏscỽẏd ac eỽch
ẏn|ẏ ol heb ef a|menegỽch idaỽ.
ef a geif march iach am pob i
un o|r a|lẏgrỽẏt. ac ẏ·gẏt a|hẏnnẏ
ef a|geif ẏn ỽẏnepỽerth idaỽ
llathen arẏant a uo kẏuref a
chẏhẏt ac ef e|hun. a chlaỽr eur
kẏflet a|ẏ ỽẏneb. a menegỽch
ẏdaỽ pa ryỽ ỽr a ỽnaeth hẏn+
nẏ. a|phanẏỽ o|m anuod inheu
 gỽnaethpỽẏt hẏnnẏ. ac ẏ i
maẏ braỽt un uam a|mi a|ỽna  ̷+
eth hẏnnẏ. ac nat haỽd gen  ̷ ̷+
hẏf i na|e lad na|e diuetha a|do  ̷ ̷+
et  ẏmỽelet a|mi heb ef. a mi
a|ỽnaf ẏ dangneued ar ẏ llun  ̷

44

ẏ mẏnho e|hun. E|kennadeu a
aethant ar ol matholỽch ac a ua  ̷+
nagẏssant idaỽ ẏr ẏmadraỽd hỽn  ̷+
nỽ ẏn garedic. ac ef a|e guerende  ̷ ̷+
ỽis. a|ỽẏr heb ef ni a gẏmerỽn
gẏnghor. Ef a|aeth ẏn|ẏ gẏnghor
sef kẏnghor a uedẏlẏssant. Os
gỽrthot hẏnnẏ a|ỽnelẏnt. bot ẏn
tebẏgach ganthunt cael kẏỽilid
a uei uỽẏ no chael iaỽn a uei
uỽẏ. a|disgẏnnu a|ỽnaeth ar gẏ  ̷+
mrẏt hẏnnẏ. ac ẏ|r llẏs ẏ deuth  ̷ ̷+
ant ẏn dangneuedus. a|chyỽei  ̷+
raỽ ẏ pebẏlleu a|r palleu a|ỽna  ̷+
ethant udunt ar ureint kyỽe  ̷+
irdeb ẏneuad. a|mẏnet ẏ|uỽẏta.
ac ual ẏ dechreuẏssant eisted
ar dechreu ẏ ỽled ẏd eistedẏssa  ̷ ̷+
nt ẏna. a dechreu ẏmdidan a
ỽnaeth matholỽch a bendige  ̷ ̷+
ituran. ac na·chaf ẏn ardiaỽc
gan uendigeituran ẏn ẏmdi  ̷+
dan ac ẏn drist a|gaei gan uath  ̷ ̷+
olỽch a||lẏỽenẏt ẏn ỽastat kẏn  ̷
no hẏnnẏ. a medẏlẏaỽ a ỽnaeth
bot ẏn athrist gan ẏr unben uẏ  ̷+
chanet a|gaỽssei o iaỽn am ẏ|gam.
a ỽr heb·ẏ bendigeiduran nit ỽẏt
gẏstal ẏmdidanỽr heno ac un nos
ac os ẏr bẏchanet genhẏt ti dẏ
iaỽn. ti a gehẏ ẏchỽanegu ẏt ỽrth
dẏ uẏnnu. ac auorẏ talu dẏ ueirch
ẏt. arglỽẏd heb ef duỽ a dalo ẏt.
Mi a|delediỽaf dẏ iaỽn heuẏt ẏt
heb·ẏ bendigeituran. Mi a rodaf
ẏt peir. a chẏnnedẏf ẏ|peir ẏỽ;