Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 7v

Llyfr Blegywryd

7v

kanu ỽrth y getymdeith y da a|dyccer le  ̷ ̷+
drat. Eil yỽ duunaỽ am y lledrat. Try  ̷ ̷+
dyd yỽ rodi bỽyllỽrỽ y|r lleidyr ỽrth le+
drataPetỽeryd yỽ mynet y|ghetym  ̷+
deithas y lleidyr ỽrth ledrataPymhet
yỽ mynet gyt a|r lleidyr y torri y ty neu
y buarth. ỽhechet yỽ erbynyaỽ y lledrat.
Seithuet yỽ kerdet dyd neu nos gyt
a|r lledrat. ỽythuet yỽ kelu y lledrat ar y
lleidyr. Naỽuet yỽ kymryt ran o|r lledrat.
y neb a ỽatto vn o|r affeitheu hyn; rodet
lỽ degỽyr a deu vgeint. H·oll affeitheu
gỽeithret o affeitheu galanas. a llosc. a
lledrat. dirỽyus vydir am pop vn o·ho+
nunt. Tauaỽtrudyaeth. a llygatrudya+
eth. heb ỽeithret llaỽ neu troet; kam+
lyryus vyd a|e gỽnel. Tal dros affeith  ̷ ̷+
eu galanas adefedic y ryeni a|chytetife+
dyon y dyn a|lader y telir o gyfreith o|r
cỽynant ymdanaỽ. ac vdunt ỽy hefyt
ac y|r genedyl y dylyir talu y reith y ỽa+
du llofrudyaeth os gofynant. neu talu