Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 67v

Llyfr Blegywryd

67v

edic a|r managỽr gyt ac ef a|tygho yn erbyn arall clybot
a|gỽybot arnaỽ y lledrat. Eil yỽ tygu o|r managỽr ~
gỽybot a|gỽelet arnaỽ y lledrat. a|hỽnnỽ yỽ y lliỽ. T+
rydyd yỽ lludyaỽ rac dyn keissaỽ y da. yn|y lle y|tebyccei
y vot. Ny|dyly neb rodi reith gỽlat am ledrat heb vn
o|r manageu hynny yn|y erbyn. onyt pallu a|ỽna o|lỽ
gỽeilyd y|golledic. O|r palla; nyt reit manac arnaỽ.
eithyr hynny y|gymell reith gỽlat arnaỽ. O r gỽedir
haỽl a|defnydyer o|amryfaylon achỽysson; trỽy vn
reith a|berthyno ỽrth yr achaỽs mỽyhaf ohonei y
gỽedir oll yr haỽl. kanys pop vn haỽl; vn reith a|dyly
yny gỽatter. O tri mod y kedernheir gỽys. o tyston.
a|mechniaeth. a|gafael. Teir gỽys a ellir eu gỽadu
kyn amser tyston. gỽys gan tyston ny|ỽneir onyt am
tir a|ofynher o ach ac etrif trỽy naỽuetdydyeu mei
neu racuyrr. O|r gofynnir tir yn amgen no hynny
neu peth arall. a|gỽadu vn ỽys trỽy tỽg ymdanaỽ;
trỽy vechni y dylyir katarnhau gỽys ar y neb a|e gỽ+
atto. y lle y pallo mechni vnỽeith; gafaelu a|dyly+
ir yno. ac os tir a ofynnir; tir a|efeilir. Pallu me+
chniaeth yỽ. na roder mach yny dylyer. neu y|rodi
a|e tremygu. Tremygu gỽys neu vechniaeth yỽ