Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 66r

Llyfr Blegywryd

66r

tyston o gyfreith. Trydyd yỽ gallu o|ỽybydyeit profi
yn erbyn gỽat neu amdiffyn. ac nys dichaỽn tyston. ~
Pan tygho tyst yn|y tystolyaeth peth yn gyfreithaỽl y
ereill yn erbyn amdiffynnỽr. neu pan tysto amdiffyn  ̷ ̷+
nỽr peth yn gyfreithaỽl yn erbyn tyston. y|rei hynny a| ̷ ̷+
lỽir gỽrthtyston y|ghyfreith. ac ny ellir eu llyssu. Teir
tystolyaeth yssyd ar eir ac ny dygir y greir. tystolyaeth
lleidyr ar y gytleidyr ỽrth y groc. a|thystolyaeth nyt el  ̷ ̷+
her yn|y herbyn pan dyccer ar eir. a|thystolyaeth y
gỽrthtyston. Gỽybydyeit ym pop dadyl; grym tyston
a gynhalyant. a|chystal a|allant ympop dadyl ac a|dich+
O |tri mod y|telir dirỽy treis. vn yỽ [ aỽn tyston.
pan pallo y|amdiffyn y|amdiffynnỽr yn erbyn dyn.
Eil yỽ pan pallo y|reith y|dyn yn gỽadu treis. Try  ̷ ̷+
dyd yỽ pan pallo y|ỽarant y dyn a|e galỽho yn dadyl
treis. O|tri mod y kyll dadyl treis y breint mỽyaf. oc
na ỽneler teithi treis. ac o|tystolyaeth vyỽaỽl. yn da  ̷ ̷+
dyl treis. ac o gỽynaỽ o|r haỽlỽr dỽyn o|e eidaỽ ef yr
hyn a|ducpỽyt y treis raarall. ac nyt y|gantaỽ ef.
nyt mỽy hagen y|reith yn|y tri|phỽnc hynny; no llỽ
tri dyn. ac nyt mỽy y dial no|thri buhyn kamlỽrỽ
y|r brenhin. ony ellir y|ỽadu neu y amdiffyn. Vn o