LlGC Llsgr. Peniarth 38 – tudalen 61r
Llyfr Blegywryd
61r
kyn delỽat. ỽyth a deu vgeint a|tal. o|r collir trỽy greu+
londer. Eil yỽ kyn dyfot eneit yndaỽ o|r collir trỽy
greulonder; trayan y alanas a|telir yna. Trydyd yỽ
gỽedy el eneit yndaỽ o|r collir trỽy greulonder; y|a+
lanas oll a|telir yna. ~ ~ ~ ~
O tri mod y gỽedir kyssỽynplant o|genedyl. vn
yỽ. y|neb a dyỽetter y|vot yn tat idaỽ o|r byd byỽ a
eill y|ỽadu ar y lỽ e|hunan. Ony byd y|tat. pen+
kenedyl a|seith|laỽ kenedyl gantaỽ a|e gỽatta. ac velly
mam neu genedyl a|dichaỽn dỽyn y|kyfryỽ etifed
hỽnnỽ y|genedyl gan y|diodef. Ny dyly praỽf vot
o|pleit etifed kyssỽyn yn erbyn gỽat cỽbyl o|r parth
arall. namyn praỽf a|dyly bot gan y odef o|r pleit
arall. kanys ym pop peth a|tyrr y|gyghaỽs. Os gỽr+
eic a|e dỽc ef. tyghet yr allaỽr gyssegyr ony|chredir
heb y|llỽ. neỽ* ony|ỽedir cỽbyl yn|y|herbyn. Teir g+
ormes doeth ynt. meddaỽt. a|godineb. a|dryc·anyan.
Tri dyn a|dyly tafodyaỽc yn llys drostunt; gỽreic.
ac alltut. ac aghyfyeithus. a chryc anyanaỽl. Vn
dyn hagen a dyly deỽis y|tafaỽt. arglỽyd. Tri
llydyn digyfreith ar anifeileit mut. ystalỽyn.
| « p 60v | p 61v » |