Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 60r

Llyfr Blegywryd

60r

ydyr. ac vn penkenedyl ar y gar yr|y|gyghori. ac
vn tat ar|y vab y|r gospy. ~ ~ ~ ~  
T eir gỽraged a|dyly eu meibon tref mam. gỽreic
a|roder y|gỽystyl dros y|that a chaffel mab ohonei y+
n|y gỽystloryaeth. a gỽreic a|roder o rod kenedyl y
alltut. a gỽreic a|lader gỽr o|e chenedyl a dial o|e mab
hỽnnỽ ny dylyir y|oeti am tref y vam. nac arhos ~
naỽuetydyeu yn erbyn. Teir sarhaet gỽreic ynt.
vn a|drycheif. ac vn a ostỽg. ac vn yssyd sarhaet gỽbyl.
kyntaf yỽ bot genthi o|e hanuod. a honno yssyd gan
vn ardrychafel. Eil yỽ rodi kussan idi o|e|hanuod. a|hon+
no a ostỽg y trayan yssyd eisseu. Tryded yỽ y|phaluu
o|e|hanuod; a|honno yssyd saraet gỽbyl idi. Tri dyn
a gynnyd eu breint yn vn|dyd. tayaỽc tref y kysseccrer
eglỽys yndi. gan ganhat y brenhin. dyn o|r tref honno
a vei y|bore yn tayaỽc; y|nos honno yn|ỽr ryd. Eil yỽ
dyn y|rodo y|brenhin vn o|r pedeir sỽyd ar|hugeint llys
breinhaỽl idaỽ; kyn rodi y|sỽyd idaỽ yn tayaỽc. a|g+
ỽedy y|rodi yn ỽr ryd. Trydyd yỽ yscolheic. y|dyd y|kaf+
fo corun yn vab tayaỽc; a|r nos honno yn ỽr ryd. ~
Tri cheỽilyd kenedyl ynt. ac o achaỽs gỽreic y|m+
aent ell tri. vn yỽ llathrudaỽ gỽreic o|hanuod.