LlGC Llsgr. Peniarth 38 – tudalen 58v
Llyfr Blegywryd
58v
gyssefin; gỽerthet ynteu y|r neb y|mynho Teir
keluydyt nys dysc tayaỽc y vab heb ganhat y ar+
glỽyd. yscolheictaỽt. a|bardonyaeth. a gofany+
aeth. kanys o|r diodef y|arglỽyd hyny rodher co+
run yr yscolheic. neu yny el gof yn efeil. neu
vard ỽrth y gerd; ny|dichaỽn eu keithiỽaỽ gỽ+
edy hynny. Teir kyflafan os gỽna dyn yn|y
ỽlat y|dyly y|vab colli tref y|tat o|e hachaỽs o
gyfreith. llad y arglỽyd. a llad y penkenedyl. a
llad y teispan tyle. rac trymet y kyflafaneu
hynny. Tri anhebcor brenhin ynt. y|offeirat
y ganu efferen. ac y vendigaỽ y|bỽyt a|r llyn.
a|braỽtỽr llys y varnu brodyeu. ac y|rodi kyghor+
eu. a|e teulu y ỽneuthur y|negesseu. Tri anheb ̷+
cor breyr ynt. y|telyn. a|e vryccan. a|e taỽlbord. ~ ~
Tri anhebcor tayaỽc ynt. y gafyn. a|e trotheu.
a|e talbren. Tri pheth ny|chyfran brenhin a neb.
y eurgraỽn. a|e hebaỽc. a|e leidyr. ~ ~ ~ ~
T ri phetỽar yssyd; kyntaf ynt. petỽar acha ̷ ̷+
ỽs yd|ymchoelir braỽt o ofyn gỽyr kedeirn.
a|chas galon. a|charyat kyfeillon. a serch da. Eil
| « p 58r | p 59r » |