Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 47r

Llyfr Blegywryd

47r

kynheit; deudec keinhaỽc. heit a|del o|r eil|heit; ỽyth
keinhaỽc. ac yn|y gỽerth hỽnnỽ y bydant hyt ỽyl yr
holl seint. Pedeir ar|hugeint a|tal pop heit o naỽue  ̷ ̷+
tyd aỽst allan. O|r a heit gỽedy kalan aỽst y|maes
asgelleit y|gelỽir. ac|ny|thal onyt pedeir keinhaỽc
hyt galan mei Motrydaf gỽedy yd|el y kynheit
oheni; vgeint a|tal. gỽedy yd|el yr eil|heit o·heni; vn
ar|pymthec a|tal. gỽedy yd|el y tryded heit o·heni;
deudec keinhaỽc a|tal. Gỽenenllestyr; pedeir ar| ̷ ̷+
ugeint a|tal. Bydaf yn|y coet. deu sỽllt a|tal. O|r
dygir bydaf ledrat. a|thorri y|pren y bo yndaỽ; gỽ  ̷+
erth y pren a gỽerth y vydaf a|telir y|perchennaỽc
y tir. Y neb a dangosso bydaf y perchennaỽc y tir;
pedeir keinhaỽc a|e ginyaỽ a geiff. neu y cỽyr oll.
Ny|thal neb heit. onyt pedeir keinhaỽc. hyny
vo tri dieu ar hed ac yn ỽastat. trỽy aỽel eglur. d  ̷ ̷+
yd y|geissaỽ lle y uutaỽ. a|dyd ynndaỽ. a|dyd y or  ̷ ̷+
ffoỽys. Y|neb a|gaffo heit ar tir dyn arall; pedeir
keinhaỽc a|geiff y gan perchennaỽc y|tir o|r|myn ynt  ̷+
P ỽy|bynhac a|distryỽho neuad [ eu yr heit.
brenhin; pop pren a gynhalyo nen y ty. vge  ̷ ̷+