LlGC Llsgr. Peniarth 38 – tudalen 45r
Llyfr Blegywryd
45r
oll o|r dygir; teir punt a|telir. O|r lledir hyd brenhin.
a|e gudyaỽ; dirỽyus vyd a|e|gỽnel. y neb a|e kylle+
llo heb y|gudyo; kamlyryus vyd eithyr y mod
vry. Hyd; ych a|tal. Eỽic; buch a|tal. Croen hyd;
deudec keinhaỽc a|tal. Croen eỽic; ỽyth gein ̷ ̷+
haỽc. Gỽerth dof; brenhin; punt. Gỽerth lle+
tuegin brenhin neu vrenhines; punt. lletueg ̷+
in breyr. neu y ỽreic neu y verch; ỽheugeint. llet ̷+
uegin tayaỽc; keinhaỽc cotta a|tal. O|r byd he ̷ ̷+
la gellgỽn y ỽr ryd; arhoet ef hyny ollygho ky ̷+
nydyon y brenhin. eu cỽn teir gỽeith y bore. ac
yna gollyghet ynteu y gỽn. a|phy le bynhac y
lladher y karỽ. roder ỽharthaỽr tir ohonaỽ.
By ffordaỽl bynhac a vratho bỽystuil gỽyllt
y ar y fford yn fforest brenhin; ymlynet tra|e
gỽelho. ac o|r dieinc y dan y|olỽc; nac ymlynet.
Y neb a|gaffo bỽystuil marỽ ar tir dyn arall.
o|r byd hyys y gic; perchennaỽc y tir bieiuyd.
a|r neb a|e kaffo; a|geiff y chỽarthaỽr blaen os
hỽch coet vyd. Os llỽdyn arall a geffir velly.
| « p 44v | p 45v » |