Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 41v

Llyfr Blegywryd

41v

pedeir keinhaỽc. kyfreith. a|drycheif ar y gỽerth. a
dỽy o|r tymhor. kalan mei trugeint a|tal. ac yna
buch gỽbyl vyd. Teithi buch; dec ar|hugeint
aryant. pedeir ar|hugeint dros y llaeth. a ỽhech
dros y|llo. Teithi kynflith; vgeint. vn ar pym+
thec dros y|llaeth. a|phedeir dros y|llo. keinha+
ỽc. dros laeth buch ỽythnos O tri mod y telir ~
teithi buch. o|dec ar|hugeint aryant. neu o vu+
ch hesp dec. neu o vlaỽt. Messur llestyr llaeth
buch. naỽ motued ygkylch y eneu. a|their yn
llet y ỽaelaỽt. a seith ar|ỽyr o|r cleis traỽ y|r em+
yl vyd y vchet. lloneit y llestyr hỽnnỽ a|telir o
vlaỽt keirch yg|kyfeir pop godro y|r vuch hyt
ỽyl giric. Odyna o vlaỽt heid hyt aỽst. O a  ̷ ̷+
ỽst hyt galan gayaf; o vlaỽt gỽenith y|telir.
G ỽerth llo gỽryỽ hyt galan racuyr; pedeir
keinhaỽc. kyfreithOdyna hyt galan ỽhefra+
ỽr; ỽyth keinhaỽc. hyt galan mei; dec kein+
naỽc. hyt aỽst; deudec keinhaỽc. hyt galan
racuyr; pedeir ar|dec. hyt galan ỽhefraỽr; vn