Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 39r

Llyfr Blegywryd

39r

emyl trefgord. ac na|chaffer dala vn llỽdyn arnaỽ.
kymeret ef greir a|doet y|r tref ac o|r tygant lỽ
diarnabot; talent yr yt y|rif llỽdyn. a|r gyfreith
honno a|elỽir. telhitor gỽedy halaỽc|lỽ. O|r deily
dyn yscrybyl aghynefin ar y yt. neu ar y ỽeir. ac y+
mlad o|r yscrybyl yn|y gỽarchae. a llad o lỽdyn y
llall. perchennaỽc yr yscrybyl bieu talu y llỽdyn
a|lader. a|r deilyat a vyd ryd. O|r deila dyn yscrybyl
ar y yt. a bot ymdaeru rỽg y deilat a|r perchennaỽc.
y deilyat bieu tygu kaffel blaeneit ac olyeit ar yr
yt. O r llad yscrybyl trefgord lỽdyn. ac na|ỽypper
pỽy a|e lladaỽd; doet perchennaỽc y llỽdyn a|chreir
gantaỽ y|r tref. a rodent lỽ diarnabot. ac odyna
talent y llỽdyn y rif eidon. ac o|r byd eidon moel;
ran deu eidon a a arnaỽ. a|r gyfreith honno a el+
ỽir; llỽyrtal gỽedy llỽyrtỽg. O|r byd adef ar neb
eidon llad y llall; talet y perchennaỽc. Hyn o pe  ̷ ̷+
theu yssyd a gỽerth pop vn ohonunt y pedeir ke  ̷ ̷+
inhaỽc cota. llo kynflith a|e theth. pedeir keinh  ̷ ̷+