LlGC Llsgr. Peniarth 38 – tudalen 38r
Llyfr Blegywryd
38r
Ebediỽ pop vn o|r petỽar hynny; deudec|punt.
ac y arglỽyd dyfet y telir. a|r neb a del yn eu lle a|e
tal. Mynyỽ a|dyly bot yn ryd o pop dylyet. llan g ̷+
eneu. a llan vsyllt; ryd ynt o ebediỽ. kanyt oes
tir vdunt. y neb a|ỽnel gỽaet ar vn o abateu yr
eisteduaeu arbenhic vry; talet idaỽ seith|punt. a|golch ̷+
ures o|e genedyl. yr gỽaratỽyd y|r genedyl. ac yr
kadỽ cof am y dial.
O |R pan dotter yr yt yn|y dayar hyny el yn|y
yscub; aryantal a|daỽ drostaỽ. ac yna yscub iach
yn lle y glaf. O pop march a|vo hual. neu laỽethyr
arnaỽ; keinhaỽc y dyd a dỽy y|nos. O|r byd disgyf+
rith hagen; dimei y|dyd. a|cheinhaỽc y nos. O|r dis ̷+
gyfreitha y deilyat y march oll pan y dalyho ar yr
yt; talet tri buhyn kamlỽrỽ y|r brenhin. dodet ha ̷ ̷+
gen y dỽy egỽyt am yr vn troet. ac velly ny chyll di ̷+
m. O pop eidon buarth; dimei y dyd a|cheinhaỽc
y nos. O|r kadỽ kyfreith o|r moch. dalyet y hỽch a
a* vynho eithyr y tri llydyn arbenhic. a gadet o|r
pryt y gilyd. ac yna kyniget y|r perchennaỽc yg ̷
| « p 37v | p 38v » |