LlGC Llsgr. Peniarth 38 – tudalen 32v
Llyfr Blegywryd
32v
Deudec keinhaỽc vyd ebediỽ gỽreic ystafellaỽc.
ac y|arglỽyd y tir y|bo yr ystafell arnaỽ y|telir. Ebe+
diỽ bonhedic canhỽynaỽl; dec a|phetỽar vgeint.
Ebediỽ alltut y rodho y brenhin tir idaỽ; truge+
int. a|hanher hynny a|tric y|r brenhin. kanys me+
gys tat idaỽ. a|r hanher arall y|r maer a|r kygh+
ellaỽr yn deu hanher y·rydunt. ac ony byd plant
idaỽ; y da oll a geiff y brenhin pan vo marỽ eithyr
y|dylyet. N·aỽdỽr brenhin; ỽheugeint vyd y ebed+
iỽ. a hynny a elỽir gỽassafỽr. Y neb a vo marỽ ar
tir dyn arall; vn ar pymthec a|telir dros y|varỽ·ty+
ỽarchen. Y ty kyntaf a|loscer yn|y tref o|ỽalltan.
talet y deu|ty kyntaf a enynho gantaỽ vn o|pop ~
parth idaỽ. Y ne* a venffyccyo ty a|than y arall; o|r
kyneu hỽnnỽ tan teir gỽeith yn|y ty. cỽbyl talu a
dyly o|r llysc y|ty. Pỽy bynhac adaỽho tan y|myỽ+
n otynty; a|dyuot arall y atgynneu y tan. a|llosci yr
odyn. ỽynt ell deu a|e talant yn deu|hanher y|r pe+
rchennaỽc. Os y kyntaf a|diffyd y|tan oll. neu a
gymer ffyd y gan arall ar diffodi y tan kyn y adaỽ.
| « p 32r | p 33r » |