Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 32r

Llyfr Blegywryd

32r

nhin oll y gan y vileineit; y trayan a|gaffan˄t ỽy.
O|r gỽyr rydyon ny|chaffant dim. Ny byd penk+
enedyl neb tra vo maer. ac ny cheiff eistedua yn
neuad y|brenhin. Tri dyn a|gynheil y maer yn
neuad y brenhin y|ghyfedach. Kylch a|geiff y m+
aer a* vileineit y|brenhin dỽy ỽeith pop blỽydyn
ar y|petỽeryd. Yn anreith yd a gyt a|r teulu ar
y petỽeryd. Pan gollo dyn y|anreith o gyfreith;
y maer a|r kyghellaỽr a|gaffant yr aneired a|r en+
deriged a|r dineỽyt. ac o|r rei hynny y|maer a|ge+
iff ran deuỽr. Teir punt yỽ coỽyll y verch. a seith
punt y hegỽedi G·alanas maer neu gyghella  ̷+
ỽr a telir o naỽ mu a|naỽ vgeint mu gan tri dr+
ychafel. Sarhaet pop vn a|telir o|naỽ|mu a|naỽ
vgeint aryant. Punt yỽ ebediỽ pop vn. Ebediỽ
breyr; ỽheu·geint. Ebediỽ bilein brenhin; dec a|p+
hetỽar vgeint. kany byd maer na|chyghellaỽr
a|dylyo trayan y vileineit breyr. O|r byd eglỽys
ar tir bilein brenhin; ỽheugeint vyd y|ebediỽ.
Peteir ar|hugeint yỽ ebediỽ gỽr stafellaỽc. D