Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 31r

Llyfr Blegywryd

31r

heb y|theruynu. ac o gamarueru o vn o ỽreic y llall.
os eu llyssu a|ellir. palledic vydant. ony ellir; tyston
diball vydant. T·yston a|ellir eu gỽrthneu pan
dechreuhont eu tystolyaeth oc eu sefyll megys na
bo reit eu llyssu. ac velly gỽybydyeit. nyt amgen
no thrỽy ỽerth a gobyr. neu oc eu bot yn gyfran+
naỽc ar yr|hyn y bo y dadyl ymdanaỽ. neu o tor+
ri y|ffyd yn gyfadef. neu o anudon kyhoedaỽc.
neu o ledrat kyfadef. neu o|e vot yn yscymmun ger
y enỽ. o|r gellir profi hynny trỽy ỽlat; eu gỽrthn+
eu a ellir. Y|ghyfreith rufein y keffir. lle nyt enỽet
rif tyston; bot yn digaỽn deu tyst. y gyfreith ho+
n a dyỽeit na* cỽbyl tystolyaeth vn tyst onyt vn
P vnt a hanher a daỽ y|r brenh +[ o|r naỽ.
in vnỽeith pan rodho maeroniaeth neu
gyghelloryaeth y|ỽr a|e dylyo. Ny cheiff y maer ~
na|r kyghellaỽr na chylch na dofreth ar ỽr ryd.
Maer a|ran y teulu pan elhont ar dofreth. M ̷+
er a|geidỽ y|r brenhin pop peth o|r a|del idaỽ o gy+
freith yn|y vaeroniaeth ef. Maer a|chyghellaỽr