Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 26r

Llyfr Blegywryd

26r

adyr. o|r dayar. a|cheinhaỽc dros ˄pop cỽys a ymch+
oeles yr aradyr. ac ony ỽybydir rif y cỽysseu;
troetued vyd llet pop cỽys. y brenhin a|geiff
yr aradyr a|r heyrn. a gỽerth y troet deheu
y|r amaeth. a gỽerth y llaỽ deheu y|r geilỽat.
O r ymlad gỽr escob neu abat a gỽr y brenh  ̷+
in ar tir y brenhin. neu deuỽr yr escop neu deu  ̷+
ỽr yr abat. neu ỽr yr escob a gỽr yr abat. y|r bren+
hin y daỽ y dirỽyon. Y ne* a|gudyo peth y+|my
ỽn tir dyn arall. trỽy glad; perchennaỽc y tir
a geiff y gudua onyt eurgraỽn vyd. kanys br+
enhin bieu pop eurgraỽn cudyedic. a|phedeir
keinhaỽc. kyfreith. o|gori* dayar. Y neb a glodho a+
nnel y myỽn tir dyn arall; pedeir keinhaỽc
kyfreith. a geiff perchennaỽc y tir. o agori dayar
a|r bỽystuil heuyt a dalher yn·daỽ a geiff. Y
neb a gladho pỽll odyn ar tir dyn arall heb y
ganhat; perchennaỽc a|geiff yr odyn. a|phedeir
keinaỽc. kyfreith. o agori dayar. a|thri buhyn ca+
mlỽrỽ y|r brenhin. Y neb a|dotto rỽyt y|myỽn. a+