Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 25v

Llyfr Blegywryd

25v

neu gyferderỽ o tir eu tadeu. yr hỽn a|gynh  ̷ ̷+
elis y tadeu yn diran ỽers tra gỽers hyt va  ̷ ̷+
rỽ. ny|dichaỽn vn ohonunt gỽrthlad y gilyd
na|e oeti. namyn pop ohonunt a geiff ran
datanhud. Pỽy bynhac a gymero tir y tat
kyn no|r braỽt hynaf; y braỽt hynaf a|e gỽr  ̷+
thlad ef o gỽbyl. ac ef a geiff datanhud o gỽ  ̷ ̷+
byl. ac o|r byd marỽ y braỽt hynaf myỽn y
datanhud diran y vab ef elchỽyl a|geiff data+
nhud cỽbyl yn erbyn paỽb. Tri ryỽ vreint ys  ̷+
syd. breint anyanaỽl. a breint tir. a breint sỽ  ̷ ̷+
yd. T·ri|phriodolder yssyd y pop dyn; ryỽ. a
breint ac etifedyaeth. Etifedyaeth hagen
herỽyd breint. breint herỽyd ryỽ. ryỽ her  ̷ ̷+
ỽyd y gỽahan a vyd rỽg dynyon herỽyd
kyfreith. megys y gỽahan brenhin a|breyr.
breyr a bilaen. hynaf a ieuaf. P·ỽy bynhac
a ardho tir dyn arall dros naỽd y brenhin;
pedeir keinhaỽc kyfreith. a|tal y berchennaỽc|y
tir am agori dayar. a|phedeir kyfreith. o|diot ar  ̷ ̷+