Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 25r

Llyfr Blegywryd

25r

o|e anuod a heb vraỽt. neu ỽerescyn trỽy y per+
chennaỽc ac yn erbyn y|etifed o|e anuod a heb
vraỽt. neu ỽerescyn trỽy ỽercheitỽat ac yn
erbyn y iaỽn dylyedaut* o|e anuod a heb vraỽt.
Perchennaỽc yỽ y neb a vo yn medu y dylyet
dilis. Gỽercheitỽat yỽ y neb a|ỽarchatỽo dyly+
et dyn arall. ~ ~ ~ ~  
O  Tri mod y dosperthir dadyl datanhud.
rỽg etifedyon. nyt amgen trỽy tri breint a+
nyanaỽl. kyntaf yỽ breint oet rỽg hynaf
a ieuaf. Eil yỽ breint priodas rỽg etifed kyf+
reithaỽl ac vn aghyfreithaỽl. kanys y kyfre  ̷+
ithaỽl a|e keiff oll. Trydyd yỽ breint dylyet rỽg
dylyedaỽc ac anylyedaỽc. os tadeu y rei hyn  ̷ ̷+
ny hagen a gynhalyassant yr vn tir ỽers tra
gỽers hyt agheu. a dyfot eu meibon y erchi
datanhud. mab y dylyedaỽc a|geiff datanh+
ud py bryt bynhac y del. o|r doant etifedyon ~
vn rad y·gyt ac yn yr vn amser y ofyn datan+
hud megys brodyr o tref eu tat. neu gefynderỽ