Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 19r

Llyfr Blegywryd

19r

ar neilltu. a|barnu herỽyd yr henaduryeit. a da  ̷ ̷+
ngos y|r brenhin yr hyn a varnhont. a|hynny yỽ
deturyt gỽlat gỽrtheb. ac velly y teruynir dadyl tir.
P an dechreuher kynhen am teruynu tired ~ ~
neu trefyd. os y·rỽg tir y llys a|thir y ỽlat y
dechreuir; llys a teruyna. Os y·rỽg tir eglỽys
a|thir y ỽlat; eglỽys a|teruẏna. Os yrỽg tir kyt+
etifedyon; breint a|teruyna. Os y·rỽg tir kyfa+
nhed a|thir diffeith; kynỽarchadỽ a|teruyna.
adeil ac aradỽy yỽ kyfanhed. Pan teruynho
llys; maer a|chyghellaỽr bieu dangos drosti y
teruyneu. Os eglỽys; bagyl ac efegyl. O r byd
amrysson rỽg deu dyn vn vreint am teruyn.
ac na ỽypper gỽir yrydunt. tyget pop vn y ter  ̷+
uyn. ac odyna rannent eu hamrysson yn deu
hanner. Pan teruynho tref ar y llall; ny dyly
dỽyn rantir y|ỽrthi yn gỽbyl gyt a|r teruyn. ~ ~
Tri|lle y ran kyfreith. a|r vn racdyỽededic yỽ
y kyntaf. Eil yỽ pan ranher eu da rỽg gỽr a
gỽreic o varỽolaeth y|neill o·honunt. Trydyd