Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 16r

Llyfr Blegywryd

16r

lanas o|r a|gymhello lle ny allo kenedyl
gymhell. ac a|gaffer o da o|r pryt y gilyd
y|r llofrud; y brenhin bieifyd Pvnt a han  ̷+
her yỽ gỽerth kaeth tra mor os o|r ynys hon
yd henuyd; punt yỽ y ỽerth. ac velly o|r byd
anafus. neu ry hen neu ry ieuanc nyt
amgen llei noc vgeint mlỽyd. punt he+
fyt vyd y ỽerth. a deudec keinhaỽc yn
lle y sarhaet. ỽhe|cheinhaỽc dros teir llath
o vrethyn gỽyn y ỽneuthur peis idaỽ.
a their dros y laỽdyr. a cheinhaỽc dros
guaraneu a dyrnuoleu. vn dros uỽyall
os koetỽr vyd. vn dros raff deudec ky+
felinyaỽc. T·eir gỽeith y drycheif ar sar+
haet gỽr a ymreher y ỽreic neu a|dyccer
y|ỽrthaỽ. Y neb a|dyỽetto ar arall sarh+
au y gorff heb achỽanec; os gỽatta. ro+
det y lw e|hunan. O|r enỽir gỽaet kyny
ỽneler. neu ỽelet cleis arnaỽ. rodet y lỽ