LlGC Llsgr. Peniarth 38 – tudalen 15r
Llyfr Blegywryd
15r
trychir y aelaỽt. Y neb a gnithyo dyn. talet
y sarhaet yn gyntaf. kanys drychaf a gossot
yỽ sarhaet dyn. a cheinhaỽc yg·hyfeir pop
bys a el yn|y pen. a dỽy geinhaỽc y|vaỽt. a|ch+
einhaỽc. kyfreith. dros pop bleỽyn bonỽyn a ty+
nher o|e pen. a|phedeir ar|hugeint dros y
gỽallt taldrỽch. Dyrnaỽt a|gaffer o anuod.
nyt sarhaet. iaỽn yỽ hagen diuỽyn y gỽa ̷+
et a|r gỽeli a|r greith o·gyfarch o|r byd.
G alanas penkenedyl a telir o trinaỽ|m+
u a|thrinaỽ vgeint mu gan tri drych ̷+
afel. y sarhaet a|telir o trinaỽ mu a|thrina+
ỽ vgeint aryant. G·alanas aelaỽt pen+
kenedyl nyt amgen y gar a telir o ỽhe|bu
a|ỽheugeint mu gan tri drychafel. a|e sa+
rhaet o ỽhe|bu a|ỽheugeint aryant. Sar+
haet breyr dissỽyd a|telir o ỽhe|bu a ỽheu+
geint aryant. Dros y alanas y telir; ỽhe
bu a ỽheugeint|mu gan tri drychafel. ~ ~
| « p 14v | p 15v » |