Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 10r

Llyfr Blegywryd

10r

dyd gossodedic y talu rỽg haỽlỽr ac am  ̷ ̷+
diffynnỽr. ef a dylyir arhos oet y dyd.
y neb a ofynho y dylyet kyn yr oet trỽy
gỽyn; kyhyt a hynny y dyly bot heb  ̷ ̷+
daỽ gỽedy yr oet. Pỽy|bynhac a|gym+
erho gafel dros dylyet heb ganhat
arglỽydyaeth; kamlyryus vyd. O teir
fford y byd ryd mach am dylyet kyfa  ̷+
def. vn yỽ o rodi oet o|r haỽlỽr y|r tala+
ỽdyr dros yr oet kyntaf. Eil yỽ o talu
y dylyet. Trydyd yỽ o dỽyn gafel am
y dylyet heb ganhat y mach. Oet mach
y ỽybot ae mach ae nat mach; tri dieu.
R·eit yỽ dyuot y teir llaỽ yghyt ỽrth
rodi mach. llaỽ y mach. a llaỽ y neb a|e
rodho yn vach. a llaỽ y neb a kymero.
ac ymffydyaỽ o laỽ y llaỽ. o|r byd vn ~
llaỽ yn eisseu o hynny yn ymffydyaỽ;
balaỽc vechni vyd honno. eithyr y lle
y del dyn yn vach kynnogyn drosta