Breudwd Rhyddiaith Gymraeg 1300-1425
English

LlGC Llsgr. Peniarth 37 – tudalen 70v

Llyfr y Damweiniau

70v

weit y dyly Canys y kyfreith. a| dyweit
Pỽy| bynhac a torho morỽyndaỽt
dylyu o·honaỽ talu idi y chowyll.
Pỽy| bynhac a| ueichoco gỽreic o lỽ+
yn a pherth. Namyn yny angho ny
oruyd erni y ueithrin mis y canyeu.
Sef achos yỽ Cany chauas hi grym
y gỽr ny wyl y kyfreith. dylyu ohoni hitheu
uot yn eissywedic oe achos ef. ~
REi a dyweit nat mach mach
gwreic. kyfreith. a dyweit pan yỽ ma+
ch mach a rodho gỽreic. kyny aller
mach o wreic. Pan watto gwreic
uach. Sef ae gwatta  gỽr ygyt
a hi. Canys gỽr a watta. Pa
dyn bynhac y bo haỽl arnaỽ a go+
med ohonaỽ heb dyuot y wneu+
thur iaỽn am y haỽl y bob dadleu