Breudwd Rhyddiaith Gymraeg 1300-1425
English

LlGC Llsgr. Peniarth 37 – tudalen 66r

Llyfr y Damweiniau

66r

ỽc yn| y llys; chweugeint yỽ y ebe+
diỽ Eithyr pennaduryeit y llys nyt
amgen y distein. Pengwastraỽt
Penhebogyd. Penkynyd. Gwas
ystauell. Punt yỽ ebediỽ pob un
o·honunt. Bonhedic canhỽynaỽl
a mab uchelỽr. A gỽr kyuarsaỽc E+
bediỽ a| telir kyny bo tir yn| y laỽ;
Sef y dyly y talu ỽrth ureint y tir
yd henyỽ ef ohonaỽ. Or byd gỽr
a| deu arglỽyd idaỽ a| thir idaỽ y
dan bob un ohonunt Ef a dyly ta+
lu ebediỽ o bob un ohonunt. Or
byd gỽr deu tir y dan un arglỽyd
Ef a| dyly talu ebediỽ or mỽyhaf y
ureint. O deruyd y gerdedỽr alltut
cleuychu ar ford ae uarỽ Pa tir
bynhac y bo marỽ arnaỽ Ef a dyly