Breudwd Rhyddiaith Gymraeg 1300-1425
English

LlGC Llsgr. Peniarth 37 – tudalen 39r

Llyfr Cyfnerth

39r

kynigyet y perchennaỽc yng gỽyd tyston
ac Onys dillỽng Gỽnaet y defnyd or hỽch
Sef yỽ yr cadỽ. kyfreith. or moch. Deudec llydyn
a baed. Parchell pan ymchoelo y biswelyn
gyntaf ae trỽyn. Un. kyfreith. uyd ae mam
Or cadỽ. kyfreith. or moch pa amser bynhac y
caffer yn llygru gweirglaỽd. pedeir. keinaỽc.
kyfreith. a| telir o·honunt. y neb a| gaffo moch
yn| y llygru yn| y coet. lladet un o·honunt
y saỽl weith y caffo hyt y diwethaf. Ei+
thyr y tri llydyn arbenhic. Sef yỽ y tri
hynny. Arbennhic y moch. Ar baed kenue+
in. A hỽch y geiuyr. Or cadỽ. kyfreith. or de+
ueit. Dauat a| geffir o·honu. A fyrdling
yng kyueir pob  llydyn. Meint y
cadỽ. kyfreith. or deueit. dec ar ugeint. O bob
oen y telir ỽy iar hyt y cadỽ. kyfreith. Ac yna
oen a| telir o·honu. Or geiuyr ac or myn+