Breudwd Rhyddiaith Gymraeg 1300-1425
English

LlGC Llsgr. Peniarth 37 – tudalen 18v

Llyfr Cyfnerth

18v

yd. eisted tra uo yr brenin. Ar y uỽyt. Naỽ+
uet dyd kalan racuyr y keiff gan y brenin.
peis a chrys a chapan. A their kyuelin lli+
ein. Kalan maỽrth y keiff peis a chrys
a llaỽdỽr. A mantell. A phenguỽch yn| y
teir gỽyl arbennhic. y tayaỽc foaỽdyr
ar marỽdy ef bieu ysgub a| uo dros penn
pan ranher. Pan adaỽho kyllidus foa+
ỽdyr yt heb uedi a phan uo y kyffelyp
yt o uarỽdy. y talareu a| geiff y righyll.
Ef a geiff y mehin bỽlch or marỽdy ar
dulin oll ar do nessaf yr dayar or yt. Ar
bỽyll ar crymaneu. Ar gỽydeu. Ef bi+
eu tarỽ a| del yn anreith. Pan uo marỽ
y righyll yn trugared y brenin. y byd yr
eidyaỽ. Or serheir y ringhyll yn| y eisted
yn dadleu y brenin. Gogreit eissyn a chu+
cỽy a telir idaỽ am y sarhaet honno.