Breudwd Rhyddiaith Gymraeg 1300-1425
English

LlGC Llsgr. Peniarth 37 – tudalen 12v

Llyfr Cyfnerth

12v

dyd. kyfreith. y ordiwes ar y wely kyn gwis+
gaỽ un cuaran idaỽ Canyt atteb on+
yt y·uelly y keffir. Sef dyd yỽ hỽnnỽ
dyỽ kalan mei. pan tygho tyghet y
uỽyn* y kyrn ae gỽn ae kynllyuaneu
Punt yỽ gobyr y uerch. Teir punt
yn| y chowyll. Seith punt yn| y hegwedi.
Dylyet gwas ystauell Breintgwas ystauell
yỽ caffel dillat y brenin. oll. Eithyr
un tudet y garanuys Canys ef a| ge+
iff dillat y gwely ae crys ae peis ae
uantell. Ae esgityeu. Ae hossonaeu*
y wely a uyd yn ystauell y brenin. y tir
a geiff yn ryd. A march yn osseb y gan
y brenin. Ef bieu y gwarthec a| uo ky+
hyt eu kyrn ac eu hysgyuarn. Bard
teulu. Gostegỽr. Dryssaỽr neuad
Dryssaỽr ystauell. Gwastraỽt afỽ+