Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 75

Llyfr Blegywryd

75

A lleidyr a latho llỽdyn y dyn arall
yn|y ty neu yn|y vuarth yn lletrat.
Tri lleidyr gỽerth yssyd; lleidyr y
kaffer dogyn vanac arnaỽ trỽy eg  ̷+
lỽys. A chytleidyr lleidyr a groccer
am letrat. A lleidyr a dalher gỽerth
 pedeir keinhaỽc gantaỽ neu
lei o da marỽaỽl yn lletrat. Tri
lleidyr crogadỽy yssyd. Lleidyr da
bywaỽl a dalher vn llỽdyn ar y liỽ
gantaỽ. a lleidyr da marỽaỽl. a dal  ̷+
her gỽerth pedeir keinhaỽc kyfreith
gantaỽ. neu a uo mỽy. a lleidyr da
bywaỽl a dalher croen ar y liỽ gan  ̷+
taỽ ac ny diheurer am y llỽdyn o
gỽbyl. Tri lleidyr a dieink o letrat
kyfadef. reudus a grỽyttro teir
tref a naỽ tei ympob tref heb gaf  ̷+
fel na chardaỽt nac alwissen ae
gỽaretto na gỽestua. kyt dalher