Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 73

Llyfr Blegywryd

73

a dygant tystolyaeth. Ac nyt ef
y dỽg tyston. Eil yỽ gỽybydyeit
bieu deturyt eu gỽybot yg kyf  ̷+
reith tyston. kyny ry|dyster vd  ̷+
unt. ac nys pieu tyston. Trydyd
yỽ gỽybydyeit bieu tystolyaeth
yn erbyn gỽat ac amdiffyn. Sef
yỽ hynny; gỽybydyeit bieu pro  ̷+
ui gỽir gỽedy geu. Ac nys pieu
tyston. Teir fford y|mae kadar  ̷+
nach gỽybydyeit no thyston;
vn yỽ gallu dỽyn lliaỽs o ỽyby  ̷+
dyeit am vn peth yghyfreith.
neu vn gỽybydyat megys
mach. ac ny ellir dỽyn na mỽy
na llei no deu o tyston. Eil yỽ
gallu dirỽyaỽ dyn neu y werthu
trỽy ỽybydyeit. ac ny ellir trỽy
tyston o gyfreith. Trydyd yỽ;
gallu o·honunt profi yn erbyn