Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 69

Llyfr Blegywryd

69

Tri pheth ny ellir y|dỽyn rac gỽreic
kyt gỽahaner a hi am y cham. y|cho+
wyll. ae hargyfreu. ae hỽynebwerth.
os ry gafas kyn hynny. oe gymryt
oe gỽr wreic arall yn|y erbyn. Tri
defnyd haỽl yssyd; golỽc. a geir. a gỽeith  ̷+
ret. Tri golỽc a dygir yg|kyfreith;
golỽc tyst oe tystolyaeth. a golỽc
managyat oe vanac. A golỽc llygat+
rud kylus am lad neu losc neu
letrat. Tri geir kylus yssyd; geir
y bo gỽeli tauaỽt. a|gỽallaỽgeir yn
llys. a thauaỽtrudyaeth am lad
neu losc neu letrat. Tri ryỽ walla  ̷+
ỽgeir yssyd; geir gỽall yn holi o rỽy*
neu eisseu. a geir gỽall ym amdif  ̷+
fyn o rỽyf neu eisseu. a geir gỽall
yn gỽad u. Or kyntaf y|kyll
haỽlỽr y haỽl or a perthyno ỽrth
y geir or dygir tyston yn|y erbyn