Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 65

Llyfr Blegywryd

65

hynny oll tystolyaeth eu hetiue+
dyon hyt y gorỽyron neu achwa  ̷+
nec a|gredir am yr hyn a|glyỽssant
y gan eu ryeni or dadyl honno. a
rei hynny a elwir gỽybydyeit am
tir. Eil yỽ henaduryeit gỽlat y
ỽybot ach ac etryt rỽg kenedyl
a charant y dyn a ofynho tir trỽy ach
ac etryt. A naỽuetdydyeu kalan mei
neu galan gayaf. Trydyd yỽ pan
welher pentanuaen tat y dyn a
ofynho tir neu y hen·tat. neu or  ̷+
hendat. neu ereill oe genedyl neu
le ateil neu y tir ar y|ryeni. y rei
hynny oll a safant yn lle tyston
idaỽ ar y dylyet. Tri thorllỽyth
vnwerth ac eu mam yssyd. nac
vn a vo na llawer or dygir yn llet  ̷+
rat torllỽyth gellast. A thorllỽyth
hỽch ar y thyle. A nyth hebaỽc