Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 64

Llyfr Blegywryd

64

A gỽedy y phrofi y chaffel yn tỽyll
vorwyn a mach ar y|morỽyndaỽt.
kyt as gỽano ae laỽ neu ae troet
dros yr erchỽyn ac nas llatho. nys
diỽc yr hỽrd heuyt a wanho a bonllost
yndi. ny diwygir idi. llather y chrys
hagen yn gyfỽch a thal y phetrein.
ar tu rocdi yn gyfỽch a gỽar y chont.
ae gollỽg ar hỽrd hỽnnỽ yndi heb
y|diuỽyn idi. hynny yỽ kyfreith
tỽylluorỽyn. Tri da nyt reit
mach arnunt; da a rotho arglỽyd
y|dyn. a chymyn a gymero gan y ma  ̷+
rỽ. A da a gymero medyc y gan y
neb a vedeginyaetho.
TEir marỽ tystolyaeth yssyd
am tir ac a|safant yg|kyfreith
a barn. Vn yỽ; or kyffroir dadyl
am tir yn llys. ae theruynu ygỽyd
gỽyr y llys. gỽedy bo marỽ y rei