Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 59

Llyfr Blegywryd

59

dyl neu tywarch arnei. Tri edyn
y|dyly y brenhin eu gỽerth py du
bynhac y llather. hebaỽc. a gỽalch
a chicuran. perchenhaỽc y tir y
llather arnaỽ a dyly dec a deugeint
y gan y neb ae llatho. Tri phryf
y dyly y brenhin eu gỽerth py tu by  ̷+
nhac y llather. LLost·lydan a beleu
a charlỽnc. kanys oc eu crỽyn y|gỽ  ̷+
neir a maerỽyeu y dillat y brenhin.
Tri pheth ny at kyfreith eu dam  ̷+
dỽg. blaỽt. a gỽenyn. ac aryant.
kanys kyffelyp a geffir vdunt.
Tri phren yssyd ryd eu llad yn ffo  ̷+
rest y brenhin; pren crib eglỽys. a
phren peleidyr a wnelher reit y
brenhin ohonunt. A phren elor.
TRi chehyryn kanastyr yssyd;
vn yỽ lletrat y fford y kerdo
kyfran o·honaỽ. kanys naỽ affeith