Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 57

Llyfr Blegywryd

57

llỽ degwyr a deu vgeint or genedyl
ae gỽatta. ac velly mam neu gene  ̷+
dyl mam a|dichaỽn dỽyn y kyfryỽ
etiued hỽnnỽ y genedyl gan y o+
def vdunt. Ny dyly praỽf vot
o pleit eitiued* kyssỽyn yn erbyn
gỽat cỽbyl or parth arall; namyn
praỽf a dyly bot gan y odef or pleit
arall. kanys godef ympob peth
a tyrr y gyghaỽs. OS gỽreic ae dỽc
ef; tyget ar allaỽr gyssegredic
ony chredir heb y thỽg neu ony
wedir cỽbyl yn|y herbyn. Teir
gormes doeth ynt; meddaỽt. a
godineb. a drycanyan. Tri dyn
a|dyly tauodyaỽc yn llys; gỽreic
ac alltut agkyfyeithus. A chryc
anyanaỽl. vn hagen a|dyly dewis
y tauodyaỽc; Arglỽyd. Tri llydyn
digyfreith eu gỽeithret ar aniueileit