Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 56

Llyfr Blegywryd

56

idaỽ. kyn rodi y sỽyd idaỽ yn tayaỽc
a gỽedy hynny yn ỽr ryd. Trydyd
yỽ yscolheic; y dyd y kaffo corun yn
uab tayaỽc. ar nos honno yn ỽr ryd.
TRi gỽerth kyfreith beichogi
gỽreic. Vn yỽ gỽaet kyn del  ̷+
wat ỽyth a deu vgeint a tal. or
collir trỽy greulonder. Eil yỽ kyn
dyuot eneit yndaỽ or collir trỽy
greulonder; trayan galanas a te  ̷+
lir ymdanaỽ. Trydyd yỽ gỽedy yd
el eneit yndaỽ talu cỽbyl oe alan  ̷+
as a dylyir or collir trỽy greulonder.
O Tri mod y gỽedir kyssỽyn
plant o genenedyl*.  vn yỽ
y neb a dywetter y vot yn tat idaỽ
o byd byỽ a eill y wadu ar y|lỽ e|hu  ̷+
nan. Ony byd byỽ y tat y penke  ̷+
nedyl a seith laỽ kenedyl gantaỽ
ae gỽatta. Ony byd penkenedyl;