Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 48

Llyfr Blegywryd

48

o gyfreith. LLad y arglỽyd. A llad
y penkenedyl. A llad y teisp·an tyle.
rac trymhet y kyflauaneu hyn.
Tri anhepcor brenhin ynt; y of  ̷+
feirat y ganu offeren. ac y vendi+
gaỽ y vỽyt ae lyn. ae vraỽdỽr
llys y varnu brodyeu ac y rodi
kyghoreu. ae teulu ỽrth wneuth  ̷+
ur negesseu y brenhin. Tri an  ̷+
hepcor breyr; y telyn. ae vryccan.
ae gallaỽr. Tri anhepcor tayaỽc;
y gafyn. ae trothyỽ. ae talbren.
Tri pheth ny chyfran brenhin
a neb. Y eurgraỽn. ae hebaỽc. ae
TRi phetwar yssyd; [ leidyr.
kyntaf ynt. Petwar achaỽs
yd ymchoelir braỽt. o ofyn gỽyr
kadarn. a|chas galon. a|charyat
kyfeillon. a serch da. Eil petwar
yỽ; peteir taryan a a rỽg dyn