Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 41

Llyfr Blegywryd

41

ynteu. dros werth y da Pỽy
bynhac a vo mach goruodaỽc
dros arall. ny rydheir hyt ym  ̷+
pen vn dyd a|blỽydyn dros y
kam a wnel hỽnnỽ. kanys me+
gys rỽymedic yỽ y|myỽn yr a+
chaỽs hyny ỽyppo a del y kylus
ỽrth gyfreith. ae ny del kyn y ter  ̷+
uyn. Pỽy bynhac a|gymhero
mach ar dylyet. a marỽ y mach
kyn talu y dylyet. doet ar ved
y mach. a thyget ar y seithuet or
dynnyon nessaf y werth ry uot
hỽnnỽ yn vach idaỽ ar y dylyet
hỽnnỽ or keiff y bed ac onys
keiff ar allaỽr gyssegredic. a
gỽedy hynny yr arglỽyd bieu
kymhell y vechni dros y marỽ.
Os y kynnogyn a vyd marỽ
ar mach yn vyỽ dyget y|mach
y vechni. yn gyffelyp y hynny