Breudwd Rhyddiaith Gymraeg 1300-1425
English

LlGC Llsgr. Peniarth 36B – tudalen 30

Llyfr Blegywryd

30

llofrudyaeth os gofynnant. neu ta+
lu galanas vdunt. Y neb a differo
da rac llatron a dykker letrat ar
tir ny phieiffo; trayan y gobyr dif  ̷+
fryt a geiff. ar dỽy ran a geiff arg  ̷+
lỽyd y tir. Gerth* lleidyr a werther
seith punt. Or daỽ lleidyr att
offeirat y adef ac y enwi y|gedym  ̷+
deithon am letrat. a thygu hynny
ar drỽs y vynwent. ac ar drỽs y
kor heb erchi eu kelu. beth bynhac
a darffo ymdanaỽ. gỽedy hynny.
credadỽy vyd yr effeirat am yr
hyn a dywat y lleidyr ỽrthaỽ.
kyffelyb vod a hynny vyd am
dyn a vancco* lleidyr a|lletrat a
dycker or tỽg y vanac val hyn  ̷+
ny yg|gỽyd yr offeirat. Pỽy
bynhac a dywetter arnaỽ an  ̷+
reithaỽ dyn. OS gỽatta; rodet