Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 70v

Llyfr Blegywryd

70v

kyfadef. reudus a grỽytro teir tref a naỽ tei
ym pob tref heb gaffel alwissen ae gỽaretto
na gỽestua. kyt dalher a| lletrat ymborth gan+
taỽ. ryd vyd  o gyfreith. a gỽreic o gyt
letrat ae gỽr priaỽt. a| lleidyr edyn eithyr
talu gỽerth kyfreith yr odyn* oe perchenhaỽc.
O Tri mod y telir dirỽy treis. vn yỽ pan
pallo y reith y dyn yn gỽadu treis. Eil
yỽ pan pallo y amdiffyn y amdiffynnỽr yn erbyn
dyn. Trydyd yỽ pan pallo y warant y dyn
ae galwho yn dadyl treis. O tri mod y| kyll
dadyl treis y breint mỽyhaf. vn yỽ oc na
wnelher teithi treis. Ac o tystolyaeth vywa  ̷+
ỽl yn dadyl treis. Ac o gỽynaỽ or haỽlỽr dỽ+
yn oe eidaỽ ef yr hyn a ducpỽyt y treis
rac arall ac nyt y gantaỽ ef. nyt mỽy
hagen y reith yn| y tri phỽnc hyn no llỽ
tri dyn. ac nyt mỽy y dial no their bu
camlỽrỽ ony ellir y gỽadu yn gỽbyl neu
y amdiffyn. Un o tri a gyll y neb a treis+
ser. ae y dyn. ae y tir. neu da arall kychwyn+
haỽl. Ae y vreint. Tri ryỽ amdiffyn yssyd.