Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 61r

Llyfr Blegywryd

61r

war achaỽs yd ymchoelir braỽt. o
ofyn gỽr kadarn. a chas galon a chary  ̷+
at kyfeillon. a serch da. Eil petwar yỽ; y
pedeir taryan. a. a rỽg dyn a reith gỽlat
rac haỽl letrat. Vn yỽ cadỽ gỽesti yn gyf  ̷+
reithaỽl. nyt amgen noe gadỽ o pryt
gorchyfaerỽy hyt y boreu. a dodi y laỽ
drostaỽ oe gywely teirth* y nos honnỽ*.  a
hynny tygu ohonaỽ a dynnyon y ty gan  ̷+
taỽ yn| y reith. Eil yỽ geni a meithrin.
tygu or perchenhaỽc ar y trydyd o wyr
vn vreint ac ef. gỽelet geni yr anef  ̷+
eil ae veithrin ar y helỽ heb y vynet
teir nos y ỽrthaỽ nac o rod nac o werth
Trydyd yỽ gỽarant. Petwyryd yỽ ka  ̷+
dỽ kyn coll. A hynny gỽneuthur or
dyn ar y trydyd o wyr vn vreint
ac ef kyn colli y da or llall vot y da ar
y helỽ ef. Nyt oes warant namyn hyt
ar teir llaỽ. ar tryded amdiffynnet ef
trỽy gyfreith. Trydyd petwar yỽ; pet  ̷+
war dyn nyt oes naỽd vdunt yn llys