Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 60v

Llyfr Blegywryd

60v

y mynho. Teir keluydyt ny eill tayaỽc
eu dyscu y vab heb ganhat y arglỽyd;
yscolheictaỽt. a gofanyaeth. a bardoniaeth.
kanys or diodef yr arglỽyd hyt pan ro  ̷+
ther corun yr yscolheic. neu hyny el
gof yn| y efeil. neu vard ỽrth y gerd; ny
digaỽn eu keithwaỽ gỽedy hynny. Teir
kyflafan os gỽna dyn yn| y wlat y dyly
y vab colli tref y tat oe hachaỽs o gyf+
reith. llad y arglỽyd. a llad y penkene  ̷+
dyl. a llad y teispan tyle. rac trymet y
kyflafaneu hynny. Tri anhebcor brenhin
ynt. y offeirat y ganu y* ganu* offeren. ac
y vendigaỽ y bỽyt ar llyn. ae vraỽdỽr
llys y varnu brodyeu. ac y rodi kygho+
reu. ae teulu ỽrth wneuthur negesseu
y brenhin. Tri anhebcor breyr ynt.
y telyn. ae vryccan. ae gallaỽr. Tri
anhebcor tayaỽc ynt. y gafyn ae trothyỽ
ae talbren. Tri pheth ny chyfran brenhin
a neb. y eurgraỽn. ae hebaỽc. ae leidyr
TRi phetwar yssyd. kyntaf ynt pet+