Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 59v

Llyfr Blegywryd

59v

e| hunan mal y barnher. Nyt cỽbyl vn am  ̷+
diffyn hyny el deturyt gỽlat ymdanaỽ
rỽg yr haỽlỽr ar amdiffynnỽr gan tygu
yn dylyedus y vot yn wir neu nat gỽir
ac yno heuyt y brenhin a dyly kymell y| wyr
yr creir y tygu eu dewis. Lle y perthyno
deturyt gỽlat. gỽyr y llys oll bieu tygu
eithyr y rei a allo y kynhenusson o gyfreith.
eu llyssu. Teir kynefaỽt yssyd. kynefaỽt
a erlit kyfreith kynhalyadỽy yỽ. kynefa+
ỽt a rac·vlaenho kyfreith or byd idi aỽdur+
daỽt brenhinaeth kynhalyadỽy yỽ. kyn+
efaỽt a| lỽgyr kyfreith ac ny dylyir y chyn+
hal. Tri pheth a gadarnha kynefaỽt; ad  ̷+
uỽynder a gallu. ac aỽdurdaỽt. Tri pheth
a wanha kynefaỽt. gỽrthrymder. ac ag  ̷+
heugant voned. a dryc·agreith. a hi a
ỽrthledir rac dryc·agreith.
TEir rỽyt brenhin ynt; y teulu. ac
allwest y veirch. ae preid warthec.
pedeir keinhaỽc kyfreith a geiff
y brenhin o pob eidon a gaffer ym plith