Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 55r

Llyfr Blegywryd

55r

y tauaỽt. Y neb a uo braỽdỽr o vreint tir.
kyn dygỽytho ef yg gỽerth y tauaỽt trỽy
y gam vraỽt; ny chyll ef vreint braỽdỽr
tra vedho ar y tir or hỽn y mae idaỽ vreint
y varnu. kanys ym|peth bynhac y bo
breint yn yr vn ryỽ hỽnnỽ vyd pridol*+
der diwahan. megys y mae breint any+
anaỽl yn priodolder corff. velly priodolder
yssyd priodolder tir. ac velly breint sỽyd
yssyd priodolder sỽyd. Ac ỽrth hynny pan
wahaner braỽdỽr sỽydaỽc ae sỽyd trỽy
gyfreith. velly y gỽehenir a breint y sỽyd.
Yspeit y dosparth braỽt amrysson rỽg
deu ỽystyl a rother erbyn yn erbyn yn
llaỽ y brenhin. pymthec diwarnaỽt.
Ac val hyn y dosperthir. yn gyntaf y| dy+
ly y| brenhin yn hedychaỽl gỽarandaỽ
yn| y llys amrysson y neb a ỽrthỽyneppo
yr braỽdỽr. Ac odyna atteb y braỽdỽr. Ody+
na y neb a dywetto yn erbyn y braỽdỽr
a dyly dangos o lyfyr kyfreith braỽt teil  ̷+
ygach nor hon a dangosses y braỽdỽr os