Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 4r

Llyfr Blegywryd

4r

llỽ canhỽr y wadu gellỽg y waet or go+
uynnir. Dros pob vn or eil tri. deu naỽ
vgeint aryant a telir. a llỽ deu·canhỽr
y wadu llofrudyaeth. Dros pob vn or
tri diwethaf; y telir tri naỽ vgeint a+
ryant. a llỽ try·chanhỽr y wadu llofru+
dyaeth or gofynnir. Pỽy bynhac a
watto llofrudyaeth ae haffeitheu yn holl+
haỽl; llỽ deg wyr a deu vgeint a dyry a
reith gỽlat yỽ honno. a diwat coet a ma+
es y gelwir. Ac yn gyffelyb y hynny;
pỽy bynhac a watto llofrudyaeth ar wa  ̷+
han y ỽrth yr affeitheu neu vn affeith
heb amgen; llỽ deg wyr a deu vgeint
a dyry. ac val hynny y mae am losc ac
am letrat ac eu haffeitheu. or holir y llosc
y treis neu o letrat. ac or lloscir dyn yn| y
tan hỽnnỽ; tri dyn diofredaỽc a dylyant
uot yn| y reith. Pỽy bynhac a adefho
galanas. ef ae genedyl ae talant yn gỽ+
byl gỽerth sarhaet a galanas y dyn a
lather. Ac yn gyntaf y tal y llofrud gỽerth