Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 47v

Llyfr Blegywryd

47v

chocco   drostaỽ. a chamlỽrỽ yr
brenhin. Pỽy bynhac a differo march
rac lleidyr. pedeir keinhaỽc a dyly y gan
y perchen yghyfeir pob buch or a talhei
y march pei gỽerthit. Y neb a venffyc+
cyo march y arall hyt yn lle teruyne+
dic or a hỽnnỽ a uo pellach ac ef. talet
yr perchen hanher yr ennill a gaffo o
vyỽn y hynny. Y neb a gymero benffyc
march. a llygru y gefyn hyny dygỽydho
y bleỽ yn hagyr. pedeir keinhaỽc kyfreith
a tal yr perchenhaỽc. Or hỽyda  
hagen o atlo henllỽgyr a thorri  
y croen hyt y kic; ỽyth keinhaỽc. kyfreith. a| tal.
Ony byd henllỽgyr arnaỽ a thorri croen a
chic hyt ascỽrn; vn ar pymthec kyfreith. a tal.
OEn tra dynho; keinhaỽc kyfreith. a tal. Pan
 wahaner; dỽy geinhaỽc kyfreith. a tal.
aỽst; pedeir keinhaỽc. kyfreith. a tal. Teithi
dauat; kymeint ae gỽerth. Teth dauat;
dỽy geinhaỽc kyfreith a tal.
Myn tra dynho; keinhaỽc cotta a tal.