Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 43v

Llyfr Blegywryd

43v

yr yscrybyl bieu talu y llỽdyn a lather
ar deilat a vyd ryd. Or deily dyn yscry+
byl aghynefin ar y yt a bot ymdaeru
rỽg y deilat a pherchenhaỽc yr yscrybyl
ac na ỽypper pỽy ae lladaỽd. doet perch+
enhaỽc y llỽdyn a chreir gantaỽ yr
tref. a rodent lỽ diarnabot. ac odyna
talent y llỽdyn y rif eidon. ac or byd ei+
don moel. ran deu eidon a a arnaỽ. ar
 gyfreith honno a elwir llỽyr tal gỽe  ̷+
dy llỽyr tỽg. Or byd adef ar neb eidon
llad y llall; talet y perchenhaỽc. Un peth
ar dec yssyd a gỽerth pob vn ohonunt
yỽ pedeir keinhaỽc cotta. llo kynfflith.
ae theth. pedeir keinhaỽc pan dotter
ieu gyntaf ar ych. A phedeir keinhaỽc
pan ffrỽynher march gyntaf. a gỽerth
gafyr. a bỽch. ac ascỽrn tỽn is| creuan.
ac ebaỽl ymdiuat. a phedeir keinhaỽc
y gỽastrodyon. a phedeir keinhaỽc heit
a discynho ar gagen. a chostaỽc tom.
Ny dyly kynhen vot ar leidyr a per  ̷+