Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 39v

Llyfr Blegywryd

39v

y perchen y tir. Y neb a gladho annel y
myỽn tir dyn arall. perchen y tir a geiff
pedeir keinhaỽc kyfreith y gantaỽ o agori
dayar ar bỽystuil a dalher yndaỽ heuyt.
Y neb a gladho pỽll odyn ar tir dyn arall
heb y ganhat. perchen y tir a geiff yr odyn.
a phedeir keinhaỽc kyfreith. o agori dayar. A
thri buhyn camlỽrỽ yr brenhin. Y neb a
dotto rỽyt y myỽn auon ny phieipho.
trayan y pyscaỽt a geiff. ar deu parth y
perchen yr auon. Ny cheiff neb penken+
edlaeth na sỽyd. nac eissydyn arbenhic
o vreint tir o pleit mam kyn kanhatter ran
o tir idaỽ. or byd neb o pleit tat ae dylyho
teilygach eissoes yỽ kaffel o dyn o pleit
mam y rei hynny noc eu kaffel o estraỽn.
Or ymrỽym gỽrỽeic* ỽrth ỽr heb gyg  ̷+
hor y chenedyl. y plant a ennillo o hỽnnỽ
ny chaffant ran o tir y gan genedyl eu
mam o gyfreith. Or dyry ryeni neu
genedyl wreic tlaỽt y alltut. plant hon*
honno or alltut a gaant* ran o tir