Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 39r

Llyfr Blegywryd

39r

a breint. ac etiuedyaeth Etiuedyaeth hagen
herwyd breint. breint herwyd ryỽ. Ryỽ her+
wyd y gỽahan a vyd rỽg dynyon. herwyd kyf  ̷+
reith. megys y gỽahan brenhin. a breyr. Gỽr
a gỽreic hynaf a ieuhaf breyr a bilaen.
OR ymlad gỽr escob neu abat. a gỽr bre  ̷+
nhin ar tir y brenhin. neu deu ỽr yr
escob a gỽr yr abat. y brenhin bieu eu dirỽyon.
Pỽy bynhac a artho tir dros naỽd y brenhin;
pedeir keinhaỽc kyfreith a tal y perchen y
tir dros agori dayar. a phedeir keinhaỽc
kyfreith dros diot yr heyrn or dayar. A
cheinhaỽc dros pob cỽys a ymchoeles yr
aradyr. ac ony ỽybydir rif y cỽysseu tro+
etued vyd llet pob cỽys. y brenhin a geiff
yr aradyr. ar heyrn. ar ychen. a gỽerth y
troet deheu yr amaeth. a gỽerth y llaỽ deheu
yr geilwat. Y neb a gudyo dim y myỽn
tir dyn arall trỽy glad. perchen y tir biei+
uyd y gudua* onyt eurgraỽn vyd. kanys
brenhin bieu pob eurgraỽn cudyedic. a
phedeir keinhaỽc kyfreith am agori dayar