Breudwd Rhyddiaith Gymraeg 1300-1425
English

LlGC Llsgr. Peniarth 36A – tudalen 38v

Llyfr Blegywryd

38v

y·rỽg dylyedaỽc ac andylyedaỽc. Os tadeu
y rei hynny hagen a gynhalyassant yr
vn tir wers tra gỽers hyt eu hagheu. a
dyuot eu meibon y erchi datanhud. mab
y dylyedaỽc a geiff datanhud o gỽbyl
py bryt bynhac y del. Odyna or doant
etiuedyon vn rad y|gyt ac yn yr vn
amser y ofyn datanhud megys brodyr
o tir eu tat neu gefynderỽ neu gyferde+
rỽ o tir eu tadeu yr hỽn a gynhelis eu
tadeu yn diran wers tra gỽers hyt varỽ
ny dichaỽn vn o·honunt gỽrthlad y gi+
lyd nae oedi. namyn pob vn o·honunt
a geiff ran datanhud. Pỽy bynhac a
gymero tir y tat kyn nor braỽt hynaf
y braỽt hynaf ae gỽrthlad ef o gỽbyl. Ac
ynteu a geiff datanhud o gỽbyl. Ac or
byd marỽ yr hynaf y myỽn y datanhud
diran. y vab elchỽyl a geiff datanhud
cỽbyl yn erbyn paỽb. Tri ryỽ vreint
yssyd; breint anyanaỽl a breint sỽyd.
A breint tir. Tri phriodolder yssyd. Ryỽ